Magsverheffing

Magsverheffing is 'n wiskundige bewerking, waarby 'n getal (die faktor of die grondtal van die magsverheffing) herhaaldelik met homself vermenigvuldig word. Die grondtal x verhef tot die mag n word genoteer as xⁿ wat beteken:

${\displaystyle {\begin{matrix}x^{n}=&\underbrace {x\cdot x\cdot \ldots \cdot x} \\&{n\ \mathrm {faktore} }\end{matrix}}}$

Mens sê: x tot die mag n, of ook kortweg x tot die n-de.

So is 2 tot die mag 3, of 2 tot die derde: 2³ = 2×2×2 = 8, waar 2 die grondtal en 3 die eksponent van die mag 2³ is. Moenie die mag met die eksponent met mekaar verwar nie.

Voorbeelde:

• ${\displaystyle 5^{3}=5\cdot {}5\cdot {}5=125}$
• ${\displaystyle x^{2}=x\cdot {}x}$
• ${\displaystyle 1^{x}=1}$ vir enige getal x